На Европа ѝ е потребна руската енергија за да опстане, изјави специјалниот пратеник на рускиот претседател за инвестиции и економска соработка со странство и директор на Russian Direct Investment Fund, Кирил Дмитриев.
„Зимата се приближува. Како што беше предвидено, упорните идеолошки грешки што ЕУ ги направи во областа на енергетиката веќе доведоа до сериозни последици. На Европа ѝ е потребна руската енергија за да преживее“, напиша Дмитриев на социјалната мрежа X, коментирајќи ја информацијата за растот на цените на гасот во Европа.
Според податоците што ги објави RIA Novosti, конфликтот на Блискиот Исток доведе до значителен раст на цените на гасот во Европа. Просечните берзански цени во март пораснаа за речиси 60 отсто во однос на февруари и надминаа 600 долари за 1.000 кубни метри.
Москва и претходно во повеќе наврати соопштуваше дека откажувањето на Европската унија од руските енергенси ѝ нанело штета на европската економија, довело до зголемување на трошоците за енергија и ја намалило конкурентноста на европската индустрија, наведува руската агенција.
