Деловната активност во еврозоната во септември забрза со најбрзо темпо во повеќе од три години, надминувајќи ги очекувањата, но компаниите истовремено се соочуваат со зголемен раст на оперативните трошоци.
Индексот на менаџерите за набавки (PMI) на S&P Global за еврозоната во септември порасна на 53,1 поени, од 52,0 поени во август. Тоа е највисоко ниво од април 2023 година. Вредност над 50 поени укажува на раст на деловната активност.
Новиот обем на нарачки исто така забележа најбрз раст во повеќе од четири години, поттикнат и од дополнителното зголемување на извозот, во кој е вклучена и трговијата меѓу земјите од еврозоната.
Сепак, компаниите повторно се соочуваат со посилни инфлаторни притисоци. Растот на цените на енергенсите, поврзан со конфликтот на Блискиот Исток, ги зголемува трошоците за работење.
