Европските автомобилски производители сè почесто склучуваат партнерства со кинески компании во обид да ги намалат трошоците и да ја забрзаат транзицијата кон електрични возила. Дел од производителите веќе им отстапуваат фабрики на кинески брендови или започнуваат заедничко производство на модели на европско тло.
Според аналитичарите, ваквите соработки им овозможуваат на европските компании подобро да ги искористат своите производствени капацитети, додека кинеските производители полесно добиваат пристап до европскиот пазар.
Истовремено, предупредуваат дека ваквиот тренд може дополнително да ја зголеми зависноста на Европа од кинеската технологија и синџирите на снабдување, особено во секторот на електричните автомобили и батериите.
Конкуренцијата од кинеските производители продолжува да расте, а европските компании сè повеќе бараат нови модели на соработка за да останат конкурентни.
