Британската банка HSBC ги намали своите прогнози за просечната цена на златото за 2026 и 2027 година, велејќи дека очекувањата за повисоки каматни стапки во Соединетите Американски Држави и зајакнување на доларот вршат притисок врз пазарот на скапоцени метали.
SBC сега очекува просечната цена на златото во 2026 година да биде 4.560 долари за унца, наместо претходно прогнозираните 4.864 долари, додека проценката за 2027 година е намалена од 5.000 долари на 4.925 долари за унца, објави Ројтерс.
Банката проценува дека цената на златото најмногу ќе се движи од 3.800 до 4.700 долари за унца до крајот на оваа година, со очекувана цена од околу 4.750 долари на крајот на 2026 година.
HSBC прогнозира цена на златото од околу 5.025 долари за унца на крајот на 2027 година.
Банката, исто така, наведува дека централните банки купуваат злато побавно отколку во претходните години, кога овие купувања беа еден од главните двигатели на растот на цените.
Во анализата се наведува дека долгорочниот тренд кон диверзификација на девизните резерви ќе продолжи да го поддржува пазарот.
Исто така, се очекува дека одливот на капитал од фондовите што инвестираат во злато би можел делумно да се промени во втората половина од годината.
