Цените на нафтата пораснаа во понеделник, бидејќи разговорите меѓу САД и Иран останаа во застој и покрај прекинот на огнот, додека пакистанските медијатори се обидоа да го продолжат дијалогот.
Цената на глобалната референтна сурова нафта Брент во понеделник наутро беше 95,30 долари за барел, додека американската нафта од Западен Тексас Интермедијар (WTI) достигна 106 долари.
Застојот во разговорите дополнително го продлабочи спорот околу иранските пристаништа и пловидбата низ Ормутскиот теснец, еден од клучните светски патишта за транспорт на енергија. Американскиот претседател Доналд Трамп го откажа планираното заминување на неговите врвни претставници во Исламабад откако Техеран побара Вашингтон прво да ја прекине блокадата на иранските пристаништа.
Централната команда на американската војска рано утрово објави дека досега запрела и вратила 38 бродови како дел од блокадата. Според регионален функционер вклучен во медијацијата, пакистанските функционери ги предводат напорите за премостување на широките разлики меѓу двете страни.
