Семос Едукација, во партнерство со Microsoft, спроведе обука за 1846 административни службеници во Република Албанија, насочена кон практична примена на вештачката интелигенција во институционалното работење.
Програмата се реализираше преку осум сесии, во кои учесниците се запознаа со основите на вештачката интелигенција и генеративната вештачка интелигенција, користењето на Copilot Chat и принципите на prompt engineering. Фокусот беше ставен на практични, реални сценарија, со цел стекнатите знаења директно да се применат во секојдневната административна работа.
Обуката беше структуирана да одговори на конкретните потреби на институциите, со фокус на подобрување на ефикасноста, организацијата и квалитетот на донесување одлуки. Значаен дел од програмата беше посветен на употребата на Copilot Chat во процесите на усогласување со европските регулативи, што претставува клучен приоритет за албанската администрација во контекст на приближување кон европските стандарди.
Во согласност со официјалната Microsoft програма MS-4023, обуката се реализираше под водство на сертифицираниот обучувач Кујтим Рахмани, со поддршка од Агрон Муареми како модератор. Ваквиот пристап, кој ги комбинира меѓународно признатите стандарди со практично искуство, овозможи пренос на знаење со директна вредност за институционалното работење.
Позитивните реакции од учесниците ја потврдија релевантноста на обуката и потребата од континуирано унапредување на дигиталните вештини во јавниот сектор, како предуслов за современа, ефикасна и европски усогласена администрација.
Со оваа соработка, Семос Едукација дополнително ја зацврстува својата позиција како лидер во ИТ-едукацијата во регионот и стратешки партнер на институциите во процесите на дигитална трансформација и унапредување на административните капацитети.
