Унгарскиот премиер Виктор Орбан изјави дека ставот на неговата земја е „многу едноставен“ – тие се подготвени да ѝ помогнат на Украина кога, како што тврди, ќе ја добијат нафтата што Киев во моментов ја блокира.
Тој им изјави на новинарите во Брисел, во пресрет на седницата на Европскиот совет, а кога беше прашан за нафтоводот „Дружба“, кој не работи од крајот на јануари, и за деблокирањето на кредитите за Украина, рече дека дотогаш нема да поддржи никаква одлука во корист на Украина.
🥴«I will never support any decision in Ukraine’s interest until Hungarians get the oil that belongs to us» — Orbán pic.twitter.com/70JVDBzew6
— 🪖MilitaryNewsUA🇺🇦 (@front_ukrainian) March 19, 2026
„Чекаме нафта, сè друго е раскажување бајки. Веруваме само во факти. Нафтата треба да пристигне во Украина. Дотогаш не можеме да поддржиме никаков проукраински предлог“, рече Орбан.
На изјавата дека се обврзал да ѝ помогне на Украина во декември минатата година, Орбан нагласи дека добивањето нафта е од суштинско значење за Унгарците, бидејќи без неа сите домаќинства и компании во Унгарија ќе банкротираат.
„Знаете, не е шега. Не е политичка игра. Претседателот на Украина, Володимир Зеленски, треба да разбере дека ова не е игра. Ова е апсолутно егзистенцијално за Унгарците“, рече тој.
Тој додаде дека Брисел кова завера со Украинците и дека не може да очекува помош од Брисел за ова прашање.
„Тие се на страната на Украинците, не можеме да очекуваме помош од нив, мора сами да ја прекинеме оваа нафтена блокада, но имаме план за тоа“, рече Орбан.
