Цените на нафтата денеска забележаа пад по сигналите за намалување на тензиите меѓу САД и Иран, што ги ублажи стравувањата од дополнителни нарушувања во глобалното снабдување со енергенси.
Цената на суровата нафта „Брент“ се намали за 1,68 долари, односно за 1,61 отсто, на 102,60 долари за барел. Американската нафта ВТИ поевтини за 1,31 долар, на 90,18 долари за барел.
Падот следуваше откако американскиот претседател Доналд Трамп изјави дека САД нема да го нападнат Иран пред конгресните избори во ноември. Дополнително влијание имале и информациите за напредок во разговорите меѓу Вашингтон и Техеран.
Се очекува и Кина повторно да го активира извозот на преработени нафтени производи по привременото запирање за време на празничниот период, што би можело да ја зголеми понудата на светскиот пазар.
Сепак, поевтинувањето не значи дека енергетската криза е надмината. Цените остануваат под влијание на конфликтите на Блискиот Исток, ризиците за транспортот на нафта низ Персискиот Залив и Црвеното Море, како и прекините во производството предизвикани од ураганот Исајас во Мексиканскиот Залив.
