Планот на ЕУ за користење на руските средства за Украина може да пропадне поради сериозни ризици, изјави словачкиот премиер Роберт Фицо.
„Очекувањата во врска со конфискацијата на замрзнатите руски средства се огромни, но претстојниот самит на Европскиот совет во декември, кога треба да се донесе одлуката, може да заврши со неуспех“, заклучи Фицо.
Тој додаде дека предложил во заклучокот (од самитот на ЕУ во четврток) да не се споменува можноста за конфискација и Комисијата да предложи други опции за финансирање за Украина во следните две години, што ЕК го прифати.
Тој истакна дека предложената конфискација на руски средства претставува сериозен ризик, вклучувајќи одмазднички мерки од страна на Руската Федерација, кршење на меѓународното право и тужби од руска страна.
