Јужна Кореја и Соединетите Американски Држави работат на спогодба со која би се укинале американските и реципрочните давачки пред нивното стапување во сила во јули, објави делегацијата од Јужна Кореја по првата рунда трговски преговори во Вашингтон.
Двете земји вчера имаа “многу успешна” средба, изјави американскиот секретар за финансии, Скот Бесент, веднаш по завршувањето на состанокот.
“Се чини дека напредуваме побрзо отколку што очекував и веќе следната недела ќе разговараме за техничките услови на договорот”, изјави секретарот Бесент пред новинарите.
Бесент и трговскиот претставник на САД, Џејмисон Грир, остварија средби со министрите за финансии и индустрија на Јужна Кореја.
Ниту една од страните не откри детали за потенцијалните области на преговори, но Јужна Кореја соопшти дека побарала ослободување од реципрочните и американските давачки за определени производи.
Јужна Кореја им понуди соработка на САД во областа на бродоградбата и енергетиката, а исто така се разговараше и за трговската неурамнотеженост помеѓу двете земји.
Корејскиот министер за индустрија, Ан Дук-геун, изјави дека целта е да се постигнат договори до 8 јули, денот кога завршува одложувањето на давачките кои американскиот претседател Доналд Трамп ги воведе за речиси целиот свет.
Претседателот Трамп најави реципрочни давачки од 25 проценти за Сеул, а Јужна Кореја е една од првите држави со кои американската влада отпочна трговски преговори.
