„Волмарт“ е еден од најголемите и најпознатите трговски синџири во САД со повеќе од 11.000 продавници во 27 земји. Во 2022 година, таа беше прогласена за најголема компанија во светот според приходите деветта година по ред, но гигантот во последно време се соочува со се повеќе тужби, меѓу другото, за измама на клиенти.
Тужбата која најмногу одекна е за неетичко мерење и пакување на свинско месо, живина и риба во супермаркетите, каде клиентите биле доведени во заблуда. Иако цело време ги негираше обвиненијата, Волмарт успеа да се нагоди за 45 милиони долари.
На клиентите кои купувале во спорниот период им било дадено право да добијат поврат од 2 отсто со фактурата.
Парче месо тежело 15,28 фунти, што значи дека купувачот со попустот наместо редовните 22,76 долари требало да плати 15,07, но компанијата смислила трик – при пресметувањето, системот едноставно ја зголемувал тежината на производот доволно за да стигне до редовната цена, па на крајот потрошувачот всушност ја плаќал целата сума наместо промотивната сума.
Друг пример се пакуваните свински котлети – намалената цена на полица била 4,16 долари за фунта (0,454 кг), додека редовната цена на пакетот 5,17 долари, така што пакетот со попуст од 1,98 фунти требало да чини 9,25 долари наместо 10,24 долари. Благодарение на трикот, потрошувачот ја плаќал целата сума, а не намалената цена на производот.
Повлекувањата на производите се секојдневна појава во малопродажната индустрија, но се чини дека никогаш не биле пораспространети. Многу од најголемите брендови повлекуваат големо количество стоки на кои им е истечен рокот на траење или не се безбедни за купувачите.
Токму овој проблем го имаа „Волмарт“, како и многу американски супермаркети. Сладоледот, кафето и виршлите беа повлечени од полиците на нивните продавници, а сега Управата за храна и лекови (ФДА) објави повлекување на повеќе свежи производи, со што конечниот број се искачи на 27. Производите се дистрибуираа во 17 држави и покрај во Волмарт, тие биле продавани во малопродажни објекти како Aldi и Kroger.
Најголем процент од отповиканата стока се прехранбените производи, свежи или замрзнати, а потоа следуваат апаратите за домаќинство, детските играчки и облеката.
Кога станува збор за храната, најопасно е присуството на салмонела, афлатоксин, листерија и слични штетни материи, а често се случува во производот да се најде и остатокот од метал, дрво или пластика.
