Цените на нафтата се искачија на 112 долари за барел откако иранските медиуми објавија дека во воздушен напад го погодил објект на најголемото поле за природен гас во светот.
Референтната цена на суровата нафта Брент достигна 112 долари за барел рано наутро во Азија, што е за повеќе од 5 проценти повисоко од цената во вторник, објавува Би-Би-Си.
Растот следеше по извештаите дека иранскиот петрохемиски комплекс на гасното поле Јужен Парс бил погоден.
Часови подоцна, Катар објави дека е предизвикана голема штета на индустриската локација Рас Лафан по заканите од Иран.
Иако цената и на нафтата и на гасот нагло се зголеми, таа остана под максимумите забележани претходно во конфликтот, објави Би-Би-Си, забележувајќи дека нафтата достигна 116,78 долари за барел на 9 март.
Иранското министерство за нафта соопшти дека пожарот во петрохемискиот комплекс е под контрола, објави Тасним, новинска агенција поврзана со Корпусот на Исламската револуционерна гарда.
Состојбата на пазарот на нафта и гас е катастрофална. Цената на нафтата денес отиде на 112 долари за барел, а беше 65. Словенија воведе ограничувања на пумпите. Цената на горивото на пумпите во Америка е веќе 5 долари.
