Француските банки се во паника поради предвремените избори.
Акциите во најголемите француски банки денеска паднаа откако претседателот Емануел Макрон одлучи да го распушти парламентот и да распише предвремени избори во два круга за 30 јуни и 7 јули, откако неговата партија претрпе неочекуван пораз на изборите за Европскиот парламент.
Акциите на Сосиете Женерал паднаа за 7,44% до 24,08 евра по акција во 13:29 часот по средноевропско време. Акциите на BNP Paribas ослабеа за 4,51% и се продадени за 63,37 евра. Кредит Агрикол падна за 3,55%, тргувајќи се за 14,12 евра по акција.
