Изградбата на автопатот Охрид – Кичево се реализира со забрзана динамика. Интензивно се градат галериите, а во следните месеци ќе се пуштат најкомплицираните 10 километри за сообраќај, најави заменик претседателот на Владата и министер за транспорт Алекснадра Николоски, во објава на Фејсбук.
Николоски посочува дека две галерии се целосно завршени и оти на третата интензивно се работи. Укажува дека изгрaдбата на галериите е најдоброто решение за стабилизација на земиштетo, што на терен се покажува како ефикасно решение.
Како што вели, паралелно се работи на стабилизација на земјиштето, на довршување на мостовите, како и на довршување на двете цевки на тунелите.
– Ова беше напуштен проект, ова беше проект во којшто никој не веруваше, но веќе се гледа крајот, имаме 34 километри на коишто се вози, а во следните неколку месеци ќе отвориме уште 10 километри коишто се најкомплицирани 10 километри на овој автопат каде што влегуваат тунелите и галериите – напиша Николоски во објавата.
