Forbes ја објави најновата листа на десетте најбогати луѓе во светот, според податоците заклучно со полноќ на 1 септември. Вкупното богатство на десетте најбогати изнесува 2.800 милијарди долари, што е зголемување во однос на 2.600 милијарди долари претходниот месец.
На врвот повторно е Илон Маск, чие богатство во август пораснало за 202 милијарди долари и достигнало 892 милијарди долари. Растот следува откако акциите на SpaceX пораснале за 33 отсто, а на Tesla за 18 отсто.
Со актуелното богатство од 892 милијарди долари, Маск е на чекор од границата од 1.000 милијарди долари, односно еден билион, што би значело дека повторно би можел да стане првиот човек во историјата со такво богатство.
Особено впечатлива е разликата меѓу Маск и второпласираниот Лари Пејџ, коосновачот на Google. Пејџ е проценет на 277 милијарди долари, односно Маск има дури 615 милијарди долари повеќе.
На третото место е основачот на Amazon, Џеф Безос, со 268 милијарди долари, а веднаш зад него е коосновачот на Google, Сергеј Брин, со 256 милијарди долари.
На листата следуваат Мајкл Дел, основачот на Dell Technologies, со 241 милијарда долари, Марк Закерберг со 197 милијарди, Лери Елисон од Oracle со 193 милијарди и Џенсен Хуанг од Nvidia со 191 милијарда долари.
Во топ 10 се и поранешниот директор на Microsoft, Стив Балмер, со 155 милијарди долари и основачот на Zara, Амансио Ортега, со богатство од 148 милијарди долари.
Интересно е што Маск во јули загубил дури 363 милијарди долари, но само еден месец подоцна неговото богатство повторно забележало огромен раст од 202 милијарди долари.
