Вкупниот прометот во индустријата во септември годинава во однос на истиот месец лани е помал за 3.5 отсто, соопшти Државниот завод за статистика.
Според главните индустриски групи, вкупниот промет во индустријата во септември 2023 година, во однос на септември 2022 година, бележи пораст кај Нетрајни производи за широка потрошувачка за 2.4 %, додека опаѓање бележи кај Интермедијарни производи, освен енергија за 0.2 %, Капитални производи за 9.5 % и Tрајни производи за широка потрошувачка за 3.5 %.
Прометот во индустријата, вкупно, во септември во однос на август 2023 година, бележи раст од 13.2 отсто, додека во периодот јануари – септември 2023 година, во однос на периодот јануари – септември 2022 година, растот е 2.8 проценти.
Прометот во индустријата на домашниот пазар, во септември 2023 година, во однос на септември 2022 година, е намален за 3.4 отсто.
Според главните индустриски групи, прометот во индустријата на домашниот пазар во септември 2023 година, во однос на септември 2022 година, бележи пораст кај Капитални производи за 16.8 %, додека опаѓање бележи кај Интермедијарни производи, освен енергија за 6.4 %, Tрајни производи за широка потрошувачка за 10.5 % и Нетрајни производи за широка потрошувачка за 1.9 %.
Прометот во индустријата на домашниот пазар, во септември 2023 година, во однос на август 2023 година, бележи шад од 0.7 отсто, додека во периодот јануари – септември годинава, во однос на истиот период лани, има раст од 1.5 проценти.
Прометот во индустријата на странските пазари, пак, во септември во споредба со лани е помал за 4.2 проценти.
Според главните индустриски групи, прометот во индустријата на странските пазари во септември 2023 година, во однос на септември 2022 година, бележи пораст кај Интермедијарни производи, освен енергија за 1.9 % и Нетрајни производи за широка потрошувачка за 4.4 %, додека опаѓање бележи кај Капитални производи за 10.0 % и Tрајни производи за широка потрошувачка за 1.2 %.
Прометот во индустријата на странските пазари, во септември 2023 година, во однос на август 2023 година, има раст од 17.0, додека во периодот јануари – септември 2023 година, во однос на периодот јануари – септември лани, зголемувањето е 3.1 отсто.
