Генералната директорка на Меѓународниот монетарен фонд (ММФ), Кристалина Георгиева, предупреди дека глобалните економски нерамнотежи во 2025 година се зголемиле на 0,7 проценти од светскиот бруто-домашен производ (БДП), при што најголем придонес за растот имале Кина и САД.
Говорејќи на прес-конференција во рамките на годишните состаноци на ММФ во Бангкок во 2026 година, Георгиева упати конкретни пораки до трите големи економски центри во светот.
Таа ја повика Кина да го промени моделот на економски раст и да се насочи повеќе кон домашната потрошувачка, наместо толку да се потпира на извозот. Од САД побара намалување на јавниот долг и буџетскиот дефицит, додека европските економии, според неа, треба да ја подобрат конкурентноста и да ги зголемат инвестициите.
„Кина треба повеќе да троши. САД мора повеќе да штедат. А Европа мора повеќе да инвестира“, порача Георгиева.
Нејзината порака доаѓа во време на зголемени глобални економски нерамнотежи, кои укажуваат на потребата од промени во економските политики на најголемите светски економии.
