Силен раст на соларната и ветерната енергија бележи Кина во последната година. Оваа информација ја сподели Националната енергетска администрација, а ја пренесува China Daily.
Приближно 520 милиони киловати изнесува инсталираниот капацитет на соларна енергија во земјата од јануари до почетокот на октомври годинава, што претставува раст од 45,3 проценти повеќе од минатата година. Капацитетот на ветерници пак, е зголемен за 15,1 отсто, или околу 400 милиони киловати.
China Daily извести и дека зголемениот зелен раст на Кина го поздравуваат и Обединетите нации. Од ОН велат дека како светски лидер во развојот на обновливите извори на енергија, Кина може да им помогне на нациите југот да ја реализираат целта за одржлив развој за енергетски пристап за сите земји.
