Европската централна банка Откако десет пати по ред Европската централна банка ги покачи каматните стапки, на последната седница донесе одлука за паузирање на растот.
„Пред се одлучивме повеќе да не ги покачуваме каматите бидејќи во последната година тие се покачени за 450 базни поени или за 4,5 отсто, што е многу брз раст на каматите. Во овој момент гледаме да се намали инфлацијата и веќе го почнавме тој процес кој има низа активност на кои работиме, меѓу кои и намалување на кредитните активности“, изјави гувернерот на Хрватската народна банка, Борис Вујчиќ.
Според него, во ЕЦБ се следат три критериуми за евентуално качување на каматите, проекција на инфлацијата, механизам за пренос на монетарната политика и влијанието на целата економија.
Но и покрај тоа, инфлацијата во еврозоната останува далеку од два отсто, што пак е посакуваната цел. Вујчиќ за ХРТ вели дека целта најверојатно нема да се достигне пред 2025 година.
„Инфлацијата паѓа од крајот на минатата година, како во еврозоната така и во Хрватска. Сепак, тоа е постепен процес на пад на стапката на инфлацијата и ќе продолжи до 2025 година. Стапката на раст на цените е во пад, но се уште не паѓаат во просекот“, вели хватскиот гувернер.
