Европскиот производител на мед, Famille Michaud Apiculteurs, најстарото здружение на потрошувачи во Западна Европа, е обвинето дека го продава својот мед како целосно француски и на тој начин врши измама бидејќи медот всушност доаѓа од други земји, вклучително и оние надвор од Европа.
Здружението UFC-Que Choisir објави дека поднело тужба до парискиот суд против компанијата Famille Michaud Apiculteurs, обвинувајќи ја дека ги доведува луѓето во заблуда кога станува збор за потеклото на нејзиниот мед.
Француски мед што не е навистина француски
Имено, во нивните тегли во супермаркетите стои дека медот е целосно француски, а здружението UFC-Que Choisi преку соопштение напиша дека медот доаѓа од Унгарија, Украина, Бугарија и Шпанија, а некои тегли дури и од Аргентина или Виетнам.
Покрај тоа, тие напишале дека точното потекло на медот понекогаш се пишува на задниот дел од теглата или дури и на капакот, но со кратенки кои тешко се разбираат. Додадоа и дека компанијата Famille Michaud Apiculteurs на теглите со мед има напишано „miel de nos terroirs“ (мед од нашата земја), што не е точно.
Неубедливи оправдувања
Компанијата Famille Michaud Apiculteurs внимателно одговори на сите критики и обвинувања на својата официјална веб-страница, тврдејќи дека преферираат француски мед, но дека во последните 30 години се соочиле со пад на домашното производство кое од 32 илјади тони во 1995 година паднало на помалку од 10 илјади тони во 2014 година.
Тие тврдат и дека ако тегла мед укажува на француско потекло, тоа значи дека е француски мед и дека сите информации ги пишуваат на предната или задната страна на теглата.
Сепак, здружението UFC-Que Choisir не е задоволно од ваквото објаснување и смета дека оваа компанија не работи во согласност со прописите од 2022 година, во кои се наведува дека на мешавината од мед мора да бидат наведени сите земји од каде потекнува.
