Евролиз Ауто ДООЕЛ Скопје информира дека согласно законските измени од Законот за безбедност на сообраќајот на патиштата и Законот за прекршоците, а во однос на одредбите што се однесуваат на констатирани сообраќајни прекршоци преку новиот електронси систем, доколку до Евролиз Ауто ДООЕЛ Скопје биде доставен записник за сторен сообраќаен прекршок за Возилото со прекршочен платен налог од страна на МВР, истиот нема да биде прифатен од страна на Евролиз Ауто ДООЕЛ Скопје. Во однос на истото Евролиз Ауто ДООЕЛ Скопје ќе се обрати до надлежен суд при што ќе го известиме дека Возилото е предмет на договор за лизинг и дека истото е во владение на корисник на лизинг, наведуваат од компанијата.
Согласно член 317-а Евролиз Ауто ДООЕЛ Скопје не може да прифати одговорност за сторен сообраќаен прекршок со оглед на тоа дека Евролиз Ауто ДООЕЛ не управува со Возилото и прифаќањето на одговорност би значело и прикривање на вистинскиот сторител на евентуалниот сторител на сообраќајниот прекршок, што е спротивно на законот, како и се со цел да не бидете оштетени. Дополнително согласно член 369-а и член и 369-б од ЗБСПН, Давателот на лизинг односно сопственикот на возилото има законско право да не ја прифати одговорноста за прекршоци документирани со посебен електронски систем.
Од страна на Евролиз Ауто ДООЕЛ во координација со МВР и на нивно барање кое беше доставено на 29.01.2026 година, доставени се податоци за корисниците на лизинг се со цел истите да можат да бидат евидентирани во нивниот систем и Вие во real time да ги добивате сите информации за сторени прекршоци.
Воедно, сметаме дека е и во Ваш интерес и Вие да се обратите до МВР и да го известите дека Возилото е предмет на договор на лизинг и дека истото се користи и управува од Ваша страна и со допис да ги дадете Вашите податоци, за да истите податоци бидат внесени во системот на МВР, а се со цел дополнително да се осигурате дека Вашите права ќе бидат почитувани, особено во насока за олеснителните околности што произлегуваат за сторител на прекршок, односно признавање на прекршокот и намалување на казната доколку истата биде платена во рок од 8 дена од приемот на записникот и прекршочниот платен налог.
Ве замолуваме за одговорно и совесно користење на возилата и строго почитување на сообраќајните прописи и Ви посакуваме помалку прекршоци.
