Инспекторите од Државниот пазарен инспекторат се на терен за да утврдат дали трговците, дистрибутерите или производителите имаат девијантно однесување, односно дали има зголемување на цените на прехранбените производи. Доколку се утврди зголемување на цените на производите во тој случај ќе се преземат поригорозни мерки, истакна на денешната прес-конференција министерот за економија и труд Бесар Дурмиши. Меѓу мерките кои за кои се размислува доколку има енормно зголемување на цените на прехранбените производи се ограничување на маржата, но, како што рече, може и да се покачи процентот на маржата.
Тој истакна дека инспекторите на крајот од тековниот месец ќе направат Извештај кој ќе го достават до Владата и министерството за економија и труд. Врз основа на него ако има како што вели дивијантно однесување на трговците и енормно зголемување на цените на производи, без финансиско оправдување од страна на трговците, дистрибутерите или производителите ќе се донесат поригорозни мерки во наредниот период.
-Од денот кога инспекторите вршеле контрола 30 дена. Значи кога вршеле контрола им пишувале опомени, од тој ден во рок од 30 дена тие имаат рок. Генерално се почитува мерката, законот се почитува. Трговците веќе ги објавија нивните производи на веб страната, вели Дурмиши.
Прашан што ќе прават доколку фирмата има осум вработени, а има поголем обрт од пропишаното со закон, Дурмиши со одговор дека ќе направат анализа и ќе видат дали можат да усогласат одредени членови во законот, за да можат тие да работат.
Тој на денешната прес-конференција порача дека секој денар е важен и секоја промена на пазарот директно се одразува во секојдневниот живот на нашите граѓани, на лебот што го купуваме, маслото, шеќерот или хигиенските производи.
-Затоа како институција од првиот ден сме посветени на заштитата на животниот стандард на граѓаните и да обезбедиме стабилност на цените. Мерките кои беа преземени од почетокот на годината вклучително и ограничување на маржите за храна и хигиенски производи денес имаме конкретни резултати.
Министерот за економија и труд, Дурмиши вели дека официјално податоците покажуваат оти инфлацијата за април практично е нула, во споредба со март и има покачување само од 0,06 проценти.
-Во споредба со април минатата година инфлацијата е 2,6%, што значи дека не поминува 3% и е во стабилна фаза. Цените на храна се речиси непроменети речиси 0,3% годишно зголемување и морам да го потенцирам ако споредиме месец април со месец декември 2024 година имаме дефлација од 1,3%. Значи имаме намалување на инфлацијата, вели Дурмиши.
Тој потенцира дека овие податоци се факти и покажуваат оти економијата во нашата земја е стабилна и граѓаните не се соочуваат со енормно зголемување на цените на прехранбените производи. Министерот, Дурмиши најави засилени инспекциски контроли од страна на инспекторите од Државниот пазарен инспекторот во текот на месец мај.
На прашањето за цените за лековите, министерот за економија и труд Дурмиши вели дека поради тоа што им е регулирана цената, аптеките не се обврзани да ги стават на веб странците.
