Реципрочните царини кои вечра ги објави американскиот претседател Доналд Трамп претставуваат значителен ризик за светската економија, вели во својата прва изјава директорката на Меѓународниот монетарен фонд (ММФ), Кристалина Георгиева.
„Сѐ уште ја проценуваме макроекономската импликација на овие мерки, но тие очигледно претставуваат сериозна закана за глобалните економски перспективи во време кога растот е слаб“, изјави Георгиева.
Георгиева додава дека е клучно да се избегнуваат потези кои би можеле дополнително да ја влошат состојбата и ги повика САД и нивните трговски партнери да работат конструктивно за побрзо намалување на тензиите.
