Глобалните пазари бележат драстичен пад по воведувањето на царинските тарифи од администрацијата на американскиот претседател Доналд Трамп. Њујоршката берза доживеа пад веднаш по отворањето на првиот ден по воведувањето на царинските тарифи, а според податоците на „Bloomberg Billionaires Index“, Ворен Бафет е единствениот чие богатство драстично се зголемило.
Според податоците на „BBI“, нето вредноста на Бафет, еден од 10-те најбогати луѓе во светот, се зголемила за 12,7 милијарди долари во текот на 2025 година. Останатите милијардери како Илон Маск, Џеф Безос, Марк Закерберг, Бил Гејтс и други забележале големи загуби.
Пазарниот шок предизвикан од воведувањето царински мерки на кинески стоки и европски производи „збриша“ речиси осум милијарди долари пазарна вредност за само неколку дена. Најтешко погодени се технолошките милијардери како Илон Маск, кој изгуби дури 130 милијарди долари од почетокот на годината, Џеф Безос – околу 45 милијарди долари, додека Марк Цукерберг изгуби околу 28 милијарди долари.
