Во текот на ноќта, Иран изврши серија напади врз американски и израелски цели, додека Израел продолжува со бомбардирањето на Техеран, објавија медиумите.
Иранската војска лансираше повеќе дронови со долг дострел „Араш“ кон резервоарите за гориво во воздухопловната база Рамат Давид во Израел, објави „Скај њуз“.
Американски танкер за нафта беше погоден во северниот дел на Персискиот Залив и моментално е во пламен, објави иранската државна новинска агенција Фарс.
Исламската револуционерна гарда (ИРГК) соопшти дека ќе го контролира преминот низ Ормутскиот теснец за време на траењето на конфликтот.
ИРГК, исто така, објави дека 19-тиот бран од операцијата „Вистинско ветување 4“ започна со комбинирана операција со ракети и дронови против американските и израелските позиции во регионот, објави иранската државна телевизија „Прес ТВ“.
Тие информации сè уште не се независно потврдени.
