Педесетина вработени во велешка „Колска“, фабрика за шински возила, протестираа во кругот на друштвото поради неисплатена плата за декември а бараат и К-15. Доколку не ги добијат парите до утре, петок, понеделник ќе го сопрат железничкиот сообраќај на Станица Велес.
Вработените во фабриката за шински возила „Колска“ во Велес, утрово протестираа во кругот на друштвото. Бараат да им се исплати платата за декември лани, но и К-15. Работниците велат дека трпеливо чекале да им биде исплатена платата, со придонесите за да може да одат и на лекар, но откако парите ги немало се решиле на протест.
До Владата и до Министерството за транспорт и врски вработените испратиле писмо со прашање, како ќе добиваат плата во периодот додека трае реорганизацијата. Одговор досега не добиле одговор. Вработените реагираат, што со договорот потпишан со МЖ Транспорт треба да поправат шест вагони, што било доволна за плата за еден месец, а не за три за кој период се однесувал договорот.
На 19-ти март во велешкиот суд е закажано стечајно рочиште, со план за реорганизација, со кој фирма од струмичко Босилово треба да ја преземе фабриката со вработените и долговите. Најголем доверител е УЈП, па ЈКП Дервен од Велес.
