Компанијата Рајанер потврди дека покренала правна постапка пред Окружниот суд во Ирска и дека бара над 15.000 евра отштета против патник кој летал на релација Даблин – Ланзароте на 9 април 2024 година.
Поради недоличното однесување на патникот, летот морал да се пренасочи кон Порто, поради што 160 патници се соочиле со непотребни непријатности.
„Неприфатливо е патниците, од кои многумина патуваат со семејството или пријателите за да уживаат во релаксирачки летен одмор, да претрпат непотребни прекини и да им се скрати одморот како резултат на непослушното однесување на еден патник. Меѓутоа, за жал, тоа беше случај, за патниците на овој лет од Даблин до Ланзароте минатиот април, кој беше принуден да се пренасочи кон Порто како резултат на однесувањето на поединецот, предизвикувајќи трпшок од 15.000 евра за преноќување на патниците и за слетување. Сега започнавме судски спор за враќање на овие трошоци од овој патник“, рече портпаролот на Рајанер.
Тие рекоа и дека компанијата и во иднина нема да има толеранција за несоодветно однесување на патниците.
„Ова покажува само една од многуте последици со кои ќе се соочат патниците кои ги попречуваат летовите како дел од политиката на нулта толеранција на Ryanair и се надеваме дека оваа акција ќе спречи понатамошно нарушување на однесувањето на летовите, така што патниците и членовите на екипажот ќе можат да патуваат во удобно опкружување“, заклучија тие.
