Вкупниот прилив на странски директни инвестиции (СДИ) на крајот на август изнесува 575,2 милиони евра, а во исто време од земјава излегле 244,99 милиони евра, покажуваат прелиминарните податоци на Централната банка на Црна Гора.
Нето-приливот на странски директни инвестиции, односно разликата меѓу нивниот прилив и одлив, на крајот на август изнесува 330,21 милиони евра, што е за 18,5 отсто повеќе во однос на истиот период лани.
Вкупниот прилив на странски директни инвестиции е за 2,51 отсто поголем во однос на споредбениот период“, се наведува во Билтенот, пренесува Мина.
Од земјава се одлеале 65,27 милиони евра по основ на инвестиции на резиденти во странство, а повлекувањата на средства од нерезиденти инвестирани во Црна Гора изнесуваат 179,72 милиони евра.
Приливот на странски директни инвестиции во форма на капитални инвестиции изнесува 356,52 милиони евра, што е 61,98 отсто од вкупниот број. Од нив 284,92 милиони евра се инвестирани во недвижен имот, а 71,6 милиони евра во фирми и банки.
Приливот на СДИ во вид на меѓукомпаниски долг изнесува 197,95 милиони евра што е за 15,82 отсто повеќе во однос на споредливиот период од претходната година.
