Седум нови полициски службеници се приведени како дел од истрагата за трагедијата што се случи во дискотеката „Пулс“ во Кочани, потврди вчера вечер Јавниот обвинител Љупчо Коцевски.
„Сега во обвинителот од Кочини добив информација дека е издаден налог за приведување на нови 7 полициски службеници. Тие ќе бидат обезбедени и за нив ќе бидат побарани мерки за претпазливост“, вели Коцевски, без да прецизира дали се работи за лица кои биле присутни на самото место на трагедијата или за службеници кои не постапиле согласно своите овластувања.
Со ова, бројот на осомничени полициски службеници е 14 лица, затоа што пред извесно време беа приведени други седум полицајци. Засега, истрагата се води за едно кривично дело, а тоа е предизвикување опасност за животот и телото на луѓето.
Обвинителството продолжува со прибирање на докази и сослушување на сведоци, а како што беше најавено, во тек е и анализа на видеоматеријалите и комуникацијата поврзана со настанот.
Според првичните информации, истрагата е насочена кон утврдување на евентуална институционална одговорност за пожарот кој однесе човечки животи.
Oбвинителството сомничи 47 физички лица и 3 правни лица-поранешни министри, директори на Дирекцијата за заштита и спасување, пазарната инспекција. ОЈОГОКК води истрага против седум полициски службеници од Кочани и Штип кои се во 30 дневен притвор.
