Просечната нето плата во Црна Гора за април е 828 евра, објави Црногорскиот завод за статистика (Монстат).
Како што се наведува, априлската нето-плата во Црна Гора се зголемила за 0,4 отсто месечно, а за 5,3 отсто на годишно ниво.
Ако се земе предвид дека потрошувачките цени во Црна Гора во април 2024 година се зголемиле за 0,1 отсто месечно, ќе заклучиме дека реалните плати во Црна Гора се зголемени за 0,3 отсто во истиот период.
Просечна нето-заработка над 1.000 евра месечно е забележана во дејностите рударство и вадење камен 1.038 евра, снабдување со електрична енергија, гас, пареа и климатизација 1.209 евра, информации и комуникации 1.063 евра, финансиски дејности и осигурување 1.309 евра.
Спротивно на тоа, платите се пониски во категоријата трговија на големо и трговија на мало; поправка на моторни возила и мотоцикли 711 евра или во уметнички, забавни и рекреативни активности 747 евра, стои во извештајот.
