Според податоците од последниот извештај на Народната банка има зголемување на просечната каматна стапка на вкупните депозити, при што во ноември таа изнесува 1,74%.
„Просечната каматна стапка на вкупните депозити на корпоративниот сектор изнесува 2,23% и е зголемена за 0,27 п.п., во споредба со претходниот месец., додека кај каматната стапка на вкупните депозити на домаќинствата е забележан раст од 0,05 п.п. на месечна основа и изнесува 1,69%“, се наведува во извештајот.
Просечната каматна стапка на вкупните кредити бележи минимално месечно намалување во однос на претходниот месец и изнесува 5,48%.
„Во ноември, просечната каматна стапка на вкупните кредити на корпоративниот сектор изнесува 5,36% и е минимално намалена за 0,01 п.п. на месечно ниво. Во ноември, каматната стапка на вкупните кредити на домаќинствата оствари минимално месечно намалување од 0,01 п.п. и изнесува 5,59%“, се наведува во извештајот.
