Живееме во време кога технологијата се менува со забрзано темпо, а прашањето дали дигитализацијата е потребна веќе е надминато — клучниот предизвик денес е како и колку брзо компаниите можат да се прилагодат за да останат конкурентни. Додека европските пазари веќе функционираат по целосно автоматизирани стандарди, домашниот сектор сè уште се соочува со предизвиците на бирократијата, разединетите системи и стравот од нови технологии.
Во првата епизода на Бизнис 365, разговараме со Марија Антик и Валентин Ристески, сопственици на иновативната ИТ-компанија KIMISUITE. Тие споделуваат долгогодишно искуство од меѓународниот пазар, откриваат зошто еден бизнис не смее да губи време на рачна администрација и разговараат за тоа како паметната дигитализација, со интеграција на вештачката интелигенција, може да го трансформира секој бизнис — од мал семеен бизнис до глобална компанија.
Каде се наоѓа македонскиот бизнис во оваа трка и како со вистински чекори да се постигне максимална ефикасност?
Бизнис 365: Што претставува компанијата KIMISUITE и кои се луѓето зад неа?
Марија Антиќ (KIMISUITE): Нашата работа во IT светот започна пред 20 години, а околу девет години сме присутни во Македонија. Идејата за KIMISUITE започна уште во почетокот на нашето работење со многу различни бизниси, нивните потреби и начинот на кој тие ја бараат дигитализацијата и сакаат да ги направат процесите поефикасни и поавтоматизирани.
Сме работеле низ годините со различни бизнис профили и бранши, и секој има своја потреба, начин и замисла како да ја води компанијата. Но, сите тие различни бизниси нè донесоа до една голема комплексност: еден бизнис мора да користи различни системи, посебни најави, да плаќа различни платформи и апликации кои му се потребни за секојдневната работа. Како што компанијата расте, така растат и трошоците, а самиот процес станува многу сложен.
Сето тоа наше искуство го воведовме во KIMISUITE — да ги составиме во една целина сите функции што ѝ се потребни на една компанија, од самото формирање па сè до нејзиниот раст и развој, за да биде ефикасна и професионална.
Бизнис 365: Кој проблем сакате да го решите со KIMISUITE?
Валентин Ристески (KIMISUITE): Главниот проблем што го видовме кај компаниите потекнува од Германија. Јас сум роден таму и цел живот сум го живеел во Германија, каде што бизнисите се многу подигитализирани отколку овде во Македонија.
Таму компаниите користеа различни системи: еден систем за управување со фактури, втор за е-мејл адреси, трет за книговодство, четврт за нешто друго. Проблемот беше што кога ќе дојдеше нов вработен, требаше да го учат на секој нов систем посебно, да комуницира меѓу нив, да памети логини и сложени процеси.
И тука почнавме да размислуваме: „Чекај, овде има многу поедноставно решение!“ Ако сè е во една платформа, без повеќекратни логини, со автоматизирани процеси каде што еден систем комуницира со друг, на компаниите ќе им биде многу полесно. Така се роди идејата да развиеме платформа која ги решава сите тие проблеми што ги научивме во текот на тие 20 години работење.
Бизнис 365: Слушнавме дека Германија е навистина многу понапред во однос на дигитализацијата споредено со Македонија. Вие веќе имате долго искуство — каде е Македонија сега во однос на дигитализацијата и бизнисот? Што кажува вашата анализа на домашниот пазар?
Марија Антиќ (KIMISUITE): Македонија и Балканот генерално се многу поназад со дигитализацијата и дигиталното претставување во споредба со која било европска или светска земја. Причините за тоа не би ги наведувала конкретно, но ние сме решени дека дигитализацијата мора да ја претставиме како позитивна и ефективна работа за секоја компанија — од најмалата до најголемата — за да ѝ пораснат ефикасноста, приходите и квалитетот.
Македонија е на самиот почеток во прифаќањето на дигитализацијата. Ние сме тука да ја вратиме довербата на малите и средни компании и на самите луѓе во дигиталниот свет, бидејќи тоа е неопходно за проширување на пазарите и подобрување на квалитетот.
Нашиот пристап кон македонскиот пазар е индивидуален. Сакаме многу отворено да ја запознаеме секоја компанија со нашите апликации, нудејќи бесплатни консултации, едукација и индивидуални решенија. За секој бизнис постои соодветен чекор од каде треба да почне, бидејќи сè не може да се дигитализира наеднаш. Во Македонија ги нудиме нашите сервиси за да им помогнеме на домашните компании да се унапредат и да можат рамноправно да излезат на странските пазари.
Бизнис 365: Еден практичен пример. Доколку имам компанија и сакам да се дигитализирам за да ги отстранам бирократските пречки, што конкретно добивам од вашата платформа?
Валентин Ристески (KIMISUITE): Услугата е едноставна. Ниту една компанија не отпочнува утре со сите можни системи поставени. Нашата платформа е насочена кон растот на клиентот.
Клиентот добива претплата, но не мора да ги земе сите алатки наеднаш — почнува со една. Да земеме конкретен пример: хотелско работење. Хотел со 30-40 соби мора да користи повеќе системи: за синхронизација со Booking и Airbnb, за фискализација, фактурирање и управување со клиенти.
Нов бизнис не може од првиот ден да ги има сите алатки, туку почнува со една (на пример, систем за хотелското работење). Потоа може да ги додаде алатките за директно резервирање преку веб-страна. Ако нема веб-страна, имаме AI веб-сајт билдер каде што може сам да си ја направи, или пак ние да му направиме професионална веб-страна.
Целта е KIMISUITE да расте со клиентот. Дигитализацијата оди чекор по чекор, сè додека бизнисот целосно не се автоматизира и секојдневната работа не стане лесна.
Бизнис 365: Како една компанија може да расте со KIMISUITE?
Марија Антиќ (KIMISUITE): Целта ни беше секој бизнис да може да користи дигитална алатка уште од самото отворање (основен бизнис мејл, веб-страна) за минимални, незаприметливи средства.
Како што компанијата расте и добива нови клиенти, ви треба CRM систем. Клиентите што ќе ве контактираат преку контакт-формата на вашата веб-страна автоматски влегуваат во вашиот CRM. Од таму го гледате барањето, му издавате понуда, а кога тој електронски ќе ја прифати со дигитални потписи, можете директно да креирате проект.
Внатре во проектот се вработените кои си пуштаат тајмери, водат евиденција и прават задачи — сè во една апликација! Како што ви расте тимот, ги вклучувате и нив, но цената останува иста бидејќи KIMISUITE не наплаќа по вработен (како 99% од софтверите на пазарот), туку по апликација во рамките на еден workspace. Ако имате повеќе бизниси, имате повеќе workspace-и, а вработените имаат пристап според дефинирани улоги и пермисии. Сакаме скалата на раст да биде достапна за сите, а не само за големите компании.
Бизнис 365: Зошто е важно сите апликации да бидат дел од еден систем?
Марија Антиќ (KIMISUITE): Сите знаеме како е кога користиме разединети системи чии логини не ги памтиме, со разни претплати што истекуваат на различни картички. Овде имате едно место каде што ви се достапни сите апликации за целиот тим, а бирате пакет според вашата големина.
Ако хотелот има две соби, плаќа незначителна сума (исто како што користат и приватни апартмани). Како што растете на 20-50 соби, додавате рецепција, сервис за чистење, книговодство, human resources и огласи за вработување.
Целиот пакет може да го менувате на месечно ниво — кога ви треба ја користите апликацијата, кога не ви треба, ја исклучувате (unsubscribe). Функционалностите се целосно модуларни, со екстензии за секој степен на развој, прилагодени за секој поединец и мал фамилијарен бизнис.
Бизнис 365: Претходно напоменавте дека ја користите вештачката интелигенција (AI). Дали сметате дека е закана и каква улога игра во вашата платформа?
Валентин Ристески (KIMISUITE): Целата платформа ја имаме прилагодено со вештачка интелигенција, не затоа што е тренд, туку за да биде секојдневен помошник на компаниите.
Низ платформата AI извршува услуги: прави извештаи (репорти), споредби на пазарот и креира содржини. На пример, ако имате ресторан и ви требаат нови слики за сезонските производи секој ден, можете да ги сликате или да ги креирате со вештачка интелигенција за дел од секундата.
AI не го заменува човекот — тоа е заблуда. Луѓето се плашат дека вештачката интелигенција ќе им ги земе работните места, но тоа не е точно. Нашата цел е AI да ја зголеми ефикасноста, да обработи големи количини информации, да ги намали грешките и да креира неделни извештаи, служејќи како моќен помошник во секојдневниот бизнис. Како што ќе ја насочите, такви ќе ви бидат и резултатите — точни одлуки носат напредок, грешни одлуки носат проблеми.
Бизнис 365: Што е различно во вашиот пристап во споредба со другите SaaS платформи на пазарот?
Марија Антиќ (KIMISUITE): Нашите 25+ апликации се целосно развиени од нас, осмислени врз основа на реалните проблеми на нашите клиенти, а не преку поврзување на туѓи платформи.
Кога имате custom платформа каде што апликациите меѓу себе комуницираат и си ги делат информациите, го добивате потребниот индивидуализам. Нема препишување податоци, нема мачење со API-интеграции и менаџирање десетици лозинки.
На пример: споделувам дигитална визит-карта, контактот веднаш е во системот, customer support го гледа, клиентот влегува во CRM, се креира понуда, па проект, и на крај фактура — сè во еден непрекинат тек. Тоа ја елиминира човековата грешка и го забрзува растот на компанијата.
Бизнис 365: Вие имате клиенти од целиот свет — од Германија до Парагвај. Каде се гледате во следните две години во Македонија?
Валентин Ристески (KIMISUITE): Не започнавме во Македонија бидејќи странските пазари првични беа полесни за пристап, но платформата целосно се развива овде. Македонија не ни е терет, туку сакаме да им помогнеме на домашните бизниси да го имаат истиот раст како клиентите во странство.
Марија Антиќ (KIMISUITE): Во следните две години сакаме да ја донесеме платформата до ниво каде што секој македонски бизнис ќе ја разбере и ќе може да расте заедно со неа. Тоа е ланчана реакција која ќе ја зајакне економијата, ќе отвори работни места во приватниот сектор и ќе им помогне на младите брзо и едноставно да се стабилизираат во бизнис-светот.
Бизнис 365: За крај, каков совет би им дал на младите кои сакаат да отворат бизнис во Македонија?
Марија Антиќ (KIMISUITE): Пред сè, мора да се направи темелно истражување на идејата и производот. Гледајте ја поголемата слика — Македонија е мала, но светот е голем. Секогаш имајте повисока цел.
Валентин Ристески (KIMISUITE): Ако имате идеја, започнете ја! Но мора да знаете дека успехот не се гради преку ноќ. Мора да одите само напред, без разлика на пречките. Ако паднете три пати, станете пет пати. Потребни се вистинска цел, издржливост, упорност и амбиција.
