Белград во првите девет месеци го посетиле 1.012.498 туристи, што е за 21 отсто повеќе во споредба со истиот период лани.
А најновите податоци потврдуваат дека Белград минатото лето бил вистински магнет за туристите.
Имено, според последните податоци на Секторот за статистика, Белград во првите девет месеци го посетиле 1.012.498 туристи, што е за 21% повеќе во однос на истиот период лани. Само во септември Белград имал 135.260 гости од земјава и странство.
Од вкупниот број туристи, 874.488 биле гости од странство, 25% повеќе од 2022 година, а меѓу најбројните биле гостите од Турција (107.571, +93%), потоа Русија (85.020), Германија (54.198), Босна и Херцеговина (41.308), Хрватска (39.911), Народна Република Кина (38.989) и Романија (32.890).
Најголем број ноќевања оствариле гости од Русија, Турција, Германија, Кина и САД.
„Како што предвидовме, продолжи растот на пристигнувања и ноќевања на странски гости во Белград. Овој период го одбележаа традиционално силните пазари како Турција и Кина, а по нашите промотивни кампањи бележиме и значително зголемување на бројот на гости од Романија и Италија, со натамошен тренд на раст“, изјави Миодраг Поповиќ, директор на Туристичка организација Белград.
Тој додаде дека во наредниот период планираат учество на туристички саеми на Светскиот саем за туризам во Лондон, потоа саеми во Букурешт, Солун и Пекинг, а за зајакнување на регионот се подготвуваат специјализирани промотивни настани во Љубљана и Скопје.
