Централната банка на Косово одлучи дека единствената официјална валута на Косово е еврото.
Според таа одлука, валутата динарот, која досега се користеше во српските области на северот на Косово, повеќе нема да смее да се користи.
Иако цените во повеќето продавници се напишани во евра, доколку имате динари, можете да платите со нив. Сепак, како што соопштија од Приштина, од 1 февруари ова повеќе нема да важи.
Централната банка на Косово најави дека други валути наместо еврото ќе користат само финансиски институции кои имаат дозвола одобрена од Приштина.
„Состојбата со динари и плати, пензии и се друго што се плаќа во динари треба да се реши преку заедницата, а не вака ад хок. Со која одлука воопшто воведоа употреба на еврото на Косово бидејќи нема официјален договор со ЕУ? Пред еврото се користеше германската марка, но сите тие потези беа еднострани“, реагираат српските власти.
Единствена српска банка која има дозвола за исплата на динари на Косово и Метохија е Комерцијална банка, но таа ги затвора своите филијали на Косово на 31 јануари годинава, а сега Приштина сака да ја затвори и Поштенска штедилница.
Не е јасно дали луѓето ќе смеат да чуваат динари во своите домови и џебови, но барем ќе можат да ги користат платежните картички на српските банки или на Поштенска штедилница.
