Македонија ќе ја заврши 2023 година со економски раст од само 1,8 проценти, што ја става најдолу на листата економски раст на земјите во регионот.
Лидер по економски раст во регионот е Црна Гора, која има 4,8 отсто економски раст, по што следува Албанија со 3,6%, Косово со 3,2% економски раст, Хрватска со 2,7%, Босна и Херцеговина со 2,2 проценти и Србија, која има 2 отсто економски раст во 2023 година.
Очекувањата за Македонија за идната година се економски раст од 2,5 проценти, што повторно би не ставиле на дното на листата, без поместување и далеку зад лидерот Црна Гора, но и Албанија, земја со која заедно се движиме по европскиот пат, нешто што може да се види и од графичкиот приказ кој го изработи „Фајненс тинк“.
Инаку, проекциите за економски раст се едни од најзначајните показатели за развојот на земјите.
