Германија и Франција денеска воведоа супер брз воз меѓу Берлин и Париз, кој таа делница ќе ја мине за околу осум часа.
Возот ќе сообраќа еднаш дневно, а оператор ќе биде германската железница Дојче Бан, пренесе агенцијата АП.
Патувањето меѓу двата главни града ќе трае околу осум часа.
Лансирањето на новата линија за супербрз воз доаѓа во моментот кога Deutsche Bahn се обидува да ја зајакне доверливоста и точноста, откако минатиот месец само 60 отсто од возовите на долги релации пристигнаа на време, односно доцнеа помалку од шест минути, според АП.
Германската државна железница постави цел да ги подобри тие перформанси до 2027 година, кога процентот на пристигнување на возовите навреме треба да биде 75 проценти.
Новиот супербрз воз ќе застанува во Франкфурт, Карлсруе и Стразбур. Во моментов има уште еден, побавен воз што ги поврзува Берлин и Париз, кој беше воведен минатата година и сообраќа три пати неделно.
