Во Германија има се помалку аптеки – по затворањето на 238 од нив во 2023 година и уште 283 во првите шест месеци од оваа година, останаа уште 17.288. Ова е помалку од кога било, покажуваат податоците на асоцијацијата на фармацевтските организации АБДА.
Денес, на секои 100.000 жители има само 21 аптека, а стапката од 19 во главниот и најголем град на Германија, Берлин, е далеку под европскиот просек.
„Фармацевтите ги затвораат вратите затоа што немаат економска перспектива“, изјави претседателот на Здружението на германски фармацевти Ханс-Петер Хубман. Тоа ги обесхрабрува и младите фармацевти кои размислуваат да започнат сопствен бизнис.
Според тоа, во првата половина од минатата година се отворени само 24 нови аптеки, пишува dpa.
Аптекарската маржа последен пат беше зголемена пред 11 години, за три проценти. Кумулативната инфлација оттогаш е 30 отсто, а трошоците за водење аптека се зголемени за 60 отсто, рече Хабман.
