За прв пат по 15 години, бројот на пиварници во Холандија е намален во однос на претходната година, објави Статистичкиот завод на Холандија, наведувајќи дека Холандија сега има 740 пиварници, 40 помалку отколку на почетокот на 2024 година.
Многу мали пиварници престанаа со работа поради зголемените трошоци, што го прави производството на пиво помалку профитабилно, објави NL Times.
Во 2010 година, во Холандија имало 75 пиварници, речиси 10 пати помалку од сега.
Растот главно се должи на зголемувањето на бројот на помали пиварници.
Од 2010 година, забележан е пораст од 380 пиварници со едно лице, 160 пиварници со двајца вработени и 75 пиварници со три до пет вработени.
Прометот во овој сектор порасна за само осум проценти помеѓу 2016 и 2022 година и покрај значителното зголемување на бројот на пиварници.
Оперативните трошоци за тоа време се зголемија многу повеќе, за 26 проценти.
Намалувањето на бројот на пиварници не е изненадување за Здружението на холандски пивари, пишува еден холандски портал.
Според Здружението, Холандија сè уште има повеќе пиварници по глава на жител од традиционалните земји за производство на пиво како Белгија и Германија.
