Новоизбраниот американски претседател Доналд Трамп најави дека ќе се откаже од претседателската плата, која изнесува околу 400.000 долари годишно.
Со цел да се намалат државните трошоци, новиот претседател на Соединетите Американски Држави (САД), Доналд Трамп, тргна од себе. Тој најави дека ќе се откаже од платата како шеф на државата, но и од пензијата што му следува.
-Нема да земам плата. Се откажувам од многу пари – изјави Доналд Трамп во интервју за Ен-Би-Си и овој потег го прогласи за единствен во американската историја, тврдејќи дека американскиот претседател првпат не прифаќа пари за таа задача.
Тој изјави дека се откажува од пензијата на која му следува.
Во својот прв мандат, сумата заработена од управувањето со државата ја донира на различни институции, меѓу кои и заштитата на националните паркови.
Како што пренесува „Билд“, се работи за годишна плата од 400.000 долари (околу 380.000 евра). Меѓу европските лидери, најголем приход има германскиот канцелар Олаф Шолц – околу 360.000 евра, а по него е неговиот австриски колега Карл Нехамер со околу 316.000 евра годишно. Унгарскиот премиер Виктор Орбан има значително помали примања – неговата бруто месечна плата е околу 16.000 евра.
Трамп нема да го почувствува откажувањето од претседателската плата – магазинот „Форбс“ неговото богатство го процени на околу 2,2 милијарди евра. Иако е најбогатиот американски претседател во историјата, тој не е најбогатата политичка фигура на глобално ниво. На пример, саудискиот принц Мохамед бин Салман го контролира саудискиот фонд за јавни инвестиции во вредност од 930 милијарди долари, што ја отвора вратата за значителни финансиски ресурси.
