Во Црна Гора лани биле регистрирани вкупно 851 филијала на странски компании, во најголем дел во сопственост на државјани на Србија и Турција, чиј промет бил над 2,5 милијарди евра, покажуваат податоците на Управата за статистика (Монстат).
Според истите податоци, 24,3 отсто од деловните субјекти се во странска сопственост од земји членки на ЕУ, додека 75,7 отсто се од земји кои не се членки на ЕУ.
Монстат објави дека 179 филијали во сопственост на српски државјани лани оствариле промет од околу 718 милиони евра.
По Србија, најмногу филијали имаат граѓаните на Турција, 58, а тие компании лани имале промет од речиси 100 милиони евра, објави порталот РТЦГ.
Следни најголеми компании се од Босна и Херцеговина (33), Велика Британија (32), Кипар (25) и Хрватска (22).
Гледано по земји, најголемо учество во остварениот промет имаат филијалите со капитал од Србија, 25,4 отсто, додека нивното учество во вкупниот број на вклучени деловни субјекти изнесува 21 отсто.
