Саудиска Арабија приватно навести претходно оваа година дека би можела да продаде одреден европски долг доколку Групата седум (Г7) одлучи да заплени речиси 300 милијарди долари замрзнати руски средства.
Во овој контекст, Министерството за финансии на Саудиска Арабија конкретно го спомена долгот издаден од францускиот трезор, а некои учесници во разговорот го видоа тоа како „прикриена закана“, пренесува Блумберг, повикувајќи се на анонимни информирани извори.
Групата седум (Г7) размислуваше во мај и јуни како да ги искористи замрзнатите средства на руската централна банка за поддршка на Украина и на крајот одлучи да ги користи само профитите од средствата, додека самите средства останаа недопрени.
Ставот на Саудиска Арабија се промени откако земјите од Г7 изнесоа предлог кој не предвидува заплена на руски имот, додаде еден од изворите на Блумберг.
Како што е наведено, не е јасно дали Ријад се одлучил на овој потег од солидарност со Москва или од свои интереси, но сигурно е дека Саудиска Арабија се повеќе се позиционира како дипломатска сила која сака да биде посредник меѓу Русија и Украина.
Саудиски функционер подоцна изјави дека владата во Ријад никому не се заканувала, но дека членките на Г7 веројатно биле запознаени со последиците од какви било заплена на рускиот имот.
