Приходите на рускиот буџет од нафта и гас се зголемени за 68,5 отсто на годишно ниво на 5,7 трилиони рубљи, или околу 59,8 милијарди евра, во шестмесечниот период од јануари до јуни, објави Министерството за финансии на Русија.
Како што се наведува, зголемувањето на приходите од споменатите извори на енергија е пред се последица на поскапувањето на руската нафта во однос на претходната година, пренесува ТАСС.
Во првите шест месеци од 2024 година, буџетските приходи на Русија кои не доаѓаат од нафта и гас се зголемија за 26,6 отсто на годишно ниво на 11,4 трилиони рубљи, односно на приближно 119,7 милијарди евра.
Даноците на трансакции, вклучително и ДДВ, се зголемени во периодот од јануари до јуни за 17,6 отсто, надминувајќи го планираното ниво, што создава стабилна основа за натамошно забрзување на растот на приходите“, се додава во соопштението на Министерството.
