Црногорскиот пазар на недвижности не забавува, особено кога се гледа подолг временски период. Ова особено се однесува на нова градба.
Цените на становите во Црна Гора продолжија да растат, па просечната цена на метар квадратен во новоградбите во третиот квартал изнесуваше 1.643 евра. Ова е за 9,5 отсто повеќе во однос на вториот квартал, додека е за речиси 24,5 отсто повеќе во однос на истиот период лани кога квадрат чинел 1.319 евра.
Становите се најскапи во Подгорица, каде просечната цена на метар квадратен беше 1.700 евра. Тоа значи дека цените во главниот град пораснале за 7,5 отсто во однос на вториот квартал или 16,3 отсто во однос на истиот квартал лани.
Поскапеа и недвижностите на крајбрежјето каде квадрат чинеше 1.584 евра. Да потсетиме, во претходниот квартал оваа бројка изнесуваше 1413 евра и беше помала за 12,1 отсто. Просечната цена на метар квадратен на север беше 1.288 евра, осум евра повеќе од последниот квартал. Становите и понатаму се најевтини во централниот црногорски регион каде квадрат изнесувал 662 евра.
„Просечната цена на метар квадратен стан во нова зграда во значителна мера зависи од учеството на становите кои спаѓаат во категоријата заедничко домување. Ако учеството на овие станови е поголемо, просечната цена на стан во нова зграда ќе биде значително пониска, односно ако учеството е помало, просечната цена ќе биде повисока“, објаснува Монстат.
Како што наведоа, во публикацијата се прикажани просечните цени на метар квадратен станови во новоградба според категориите фирми, односно просечната пазарна цена и заедничката станбена изградба.
Така, просечната пазарна цена за метар квадратен во новоградба изнесува 1.647 евра, додека во категоријата солидарни станови изнесува 589 евра.
„Согласно методологијата за истражување на цените на становите во новоградбите, при пресметката на просечна цена на метар квадратен стан во нова зграда. Предмет на опсервација на ова истражување не се становите од стариот станбен фонд, ниту други видови недвижности“, деловни згради, земјиште и други – прецизираат од Монстат.
Исто така, истражувањето не ја одразува понудата и побарувачката на нови станови на пазарот, туку цените пресметани врз основа на склучени купопродажни договори, додаваат оттаму.
