Во последно време, сопствениците на електричните автомобили „Тесла“ почнуваат да се прашуваат дали сè уште сакаат да возат автомобили од компанијата во сопственост на Илон Маск поради неговите провокативни објави и поддршката за Трамп.
Најновиот Tesla Model 3 се рангира меѓу најдобрите електрични автомобили на пазарот, а Tesla го продава по цена што предизвикува изненадување кај другите производители на електрични автомобили, пишува Guardian.
Сепак, постојат многу други добри опции. Традиционалните производители на автомобили и новите конкуренти фатија чекор со Tesla и во многу случаи дури и го надминаа во понудата на електрични возила.
Dacia Spring
Иако не е најсофистициран по изглед, Dacia Spring би била добра опција за урбани услови. Цените започнуваат од околу 20.000 евра.
Нема многу простор, но одговара за двајца возрасни и две деца, а во багажникот неколку чанти за неделниот шопинг. Повеќето луѓе ќе го заобиколат основниот модел ако се земат месечните трошоци и ќе го разгледаат финансискиот план и ќе преминат на помоќни верзии со побогата опрема.
Renault 5
Она што најмногу импресионира кај овој автомобил е удобното возење. Возилото дава се од себе за да ги апсорбира нерамнините од дупките, а автомобилот лесно се пробива во сообраќајот.
Квалитетот и опремата се извонредни, а цената е пониска од очекуваната. Ќе биде достапен од 2025 година, а најевтината верзија ќе чини 25.000 евра.
Внатре, има изненадувачки простор за автомобил кој е долг помалку од четири метри. Има доволно простор за четири лица, како и длабок багажник во кој лесно ќе се сместат неколку торби.
Киа Ниро
Продажбата на користени електрични возила расте побрзо од продажбата на нови, а Kia Niro е меѓу најпопуларните модели.
Популарноста на овој автомобил, особено меѓу таксистите кога беше нов, значи дека ги има многу на пазарот на половни автомобили, но сепак се толку многу барани што брзо се продаваат.
Niro е простран и добро изграден семеен автомобил со багажник доволно голем за да собере неколку куфери, што го прави популарен кај таксистите. Новиот електричен Kia Niro EV може да се купи по цена од 36.800 евра.
Kia EV9
Она што најмногу импресионира е неговиот стил и квалитет – вклучително и некои од најдобрите одржливи материјали кои се наоѓаат во светлата, пространа кабина – проследено со удобно возење и ефикасност на батеријата и моторот.
Иако е најскапиот автомобил Kia достапен во Обединетото Кралство, сепак делува исплатливо за парите во споредба со електричните автомобили со слична големина. Kia EV9 е достапен во соседна Србија по цена од 89.999 евра.
Hyundai Ioniq 5N
Ги има сите спортски додатоци – со риги, засилен комплет за каросерија, многу копчиња и фантастичен звук. Може да се најде за околу 50.000 евра.
Електричните возила се познати по својата тишина, па како ова возило испушта звук? Hyundai додаде генератор на звук кој ги имитира звуците што би ги очекувале од спортски хечбек, со звуци на вртежи и пукање од ауспухот.
Polestar 4
Тој е еден од „најзелените“ автомобили на оваа марка, со седишта и теписи направени од рециклирана ПЕТ пластика и рибарски мрежи, челик од постиндустриски отпад. Цената на овој автомобил се движи помеѓу 60.000 и 65.000 евра.
Кога станува збор за оваа компанија, ќе најдете повеќе информации за рециклирани и природни материјали отколку што би обезбедила која било друга автомобилска компанија – од следење на кожата што се користи во автомобилот, до металите од ретките земји што се користат во батеријата, заедно со детали за јаглеродниот отпечаток низ различни фази на возилото.
Единствената замерка: нема задно стакло, наместо тоа, се користи систем на камери и екрани за да се покаже што има зад автомобилот.
Volkswagen ID7
Ова е првпат Volkswagen навистина да влезе во директна конкуренција со Tesla, иако американската компанија има ценовна предност со својот Model 3.
Сепак, она што го нуди ID 7 е простор. Квалитетот на возење е исклучително добар – повеќе потсетува на Mercedes-Benz отколку на Volkswagen – а возењето е пријатно тивко. Неговите цени почнуваат од 53.000 евра.
BMW i7
Пазарот на луксузни автомобили е во рацете на Мерцедес со години, но додека Мерцедес тапкаше во место со своите најнови луксузни модели, БМВ направи чекор напред со серијата 7.
Електричниот i7 е целосно посветен на тивкиот луксуз. BMW го повика композиторот Ханс Цимер да создаде звук што ќе ви каже дека сте во движење.
Renault Scenic E-Tech
Со децении, Scenic беше синоним за семејниот автомобил во Renault. Стариот модел го започна трендот на достапни, мали повеќенаменски возила, но сега е целосно реинвентиран како целосно електричен. Сè уште јасно насочени кон семејствата, задните врати се широки и се отвораат за да откријат пространо задно седиште со простор за тројца.
Scenic не е најбрзиот електричен автомобил што ќе го возите, но е удобен. Цените се движат од 39.000 евра до 47.000 евра.
Opel Frontera
Прекрасен автомобил кој ќе биде достапен во шест бои, а секоја верзија доаѓа со контрастна боја на покривот. Внатре има пристоен простор, со багажник од 460 литри, а седиштата може да се спуштат за да се добијат 1.600 литри.
Предните седишта дизајнирани да го намалат притисокот на долниот дел од грбот при подолги патувања – и тапацирани со одржливи рециклирани материјали. Неговата цена е околу 25.000 евра.
