Еден од лидерите на новоформираниот Секретаријат за владина ефикасност во администрацијата на новоизбраниот претседател на САД, Илон Маск, објави оглас за вработување во кој бара „револуционери со висок коефициент на интелигенција“ кои се подготвени да работат 80 часа неделно без надомест, објави Гардијан.
Не ни требаат повеќе генератори на идеи со скратено работно време. Потребни ни се мали владини револуционери со супер висок коефициент на интелигенција кои се подготвени да работат 80+ часа неделно под негламурозно намалување на трошоците, напиша тој на својат налог на X мрежата.
Тој додаде дека заинтересираните треба да испратат свое CV на неговиот профил на мрежата Х, додавајќи дека и неговиот колега ќе разгледа дел од апликациите, пишува Танјуг.
Навистина, ова ќе биде напорна работа, ќе создадете многу непријатели, а нема да имате надомест. Колку голема работа! – напиша Маск и додаде насмеан емотикон.
Маск претходно најави дека неговата цел е да го намали федералниот бирократски систем за една третина и да заштеди две милијарди долари за американската влада, велејќи дека за таков потфат потребно е да се минат „привремени тешкотии“.
Претходно оваа недела, новоизбраниот американски претседател Доналд Трамп го објави назначувањето на Маск и Рамасвами за лидери на новата Канцеларија за ефикасност на владата.
