Унипер денеска одлучи да ги раскине долгорочните договори за набавка на гас од Русија и со тоа законски ги заврши долгорочните односи со руската државна компанија Газпром експорт“, се вели во соопштението на германската компанија, пренесува Спутник.
Како што се посочува, одлуката е донесена откако арбитражниот суд на 7 јуни му даде право на Унипер да ги раскине договорите.
Газпром Експорт ја прекина испораката на гас за Унипер во средината на 2022 година.
Од 2022 година, многу европски земји делумно или целосно престанаа да добиваат гас од Газпром. Пролетта руската компанија ги намали или запре испораките за Бугарија, Полска, Финска, Холандија, Германија и Данска, главно наведувајќи дека не го спроведувале указот на претседателот на Русија за плаќање на гасот во рубљи. До есента таа година, испораките долж главната рута – Северниот тек – престанаа.
Испораките по белоруската рута „Јамал – Европа“ беа исто така прекинати, а по украинската рута беше значително намалена.
