Реалниот бруто домашен производ на Гвајана ќе порасне за околу 38,4 проценти оваа година. Гвајана, земја која се наоѓа на североисточниот брег на Јужна Америка, има население од 800.000 жители.
Како што пишува сајтот Статиста, ниту една друга земја годинава не забележала повисока стапка на раст, а главен фактор е производството на нафта.
Имено, во 2015 година енергетската компанија ExxonMobil откри значајни наоѓалишта на нафта на брегот на Гвајана. Таканаречениот блок Стаброек има проценет вкупен волумен до десет милијарди барели нафта.
Нафтените полиња играат централна улога во сегашното разгорување на тензиите со Венецуела, бидејќи соседната земја има претензии за регионот западно од реката Есекибо, а со тоа и поголемиот дел од водите крај брегот на Гвајана.
Единствената економија што го надмина економскиот бум на Гвајана во 2023 година е кинескиот Специјален административен регион Макао.
Познат како „Азискиот Лас Вегас“, Макао стана центар на трговијата и индустријата за забава.
Растот на БДП од над 74 проценти главно беше поттикнат од индустриите како што се туризмот, коцкањето и недвижностите.
Владините иницијативи за диверзификација на економијата и зајакнување на меѓународните партнерства помогнаа да се поттикне економскиот раст.
„Растот на бруто домашниот производ е важен показател за економската сила на земјата. Погледот на глобалните прогнози на ММФ покажува дека повеќето земји повторно бележат слаб раст по минатогодишниот пад“, се наведува во текстот.
