Хрватска во моментов има најниска стапка на невработеност, но и пораст на бројот на странски работници. Годинава се издадени околу 73.000 работни дозволи за странски државјани, а се претпоставува дека до крајот на 2024 година бројот на барања ќе се зголеми.
Работниците од други земји веќе сочинуваат околу 40 отсто од вкупната работна сила во градежништвото.
Директорот на градежната компанија Сањин Пуриќ вели дека главно вработуваат работници од Узбекистан, Турција, Индија, Непал и Албанија. Работодавецот финансира и пристигнување во Хрватска, работни дозволи, лекарски прегледи, пишува Seebiz.
„Нема персонал на нашиот пазар, а овој обем на градежни работи во Хрватска во последните пет до шест години едноставно не може да се реши без увоз на работна сила“, истакнува Пуриќ.
Се очекува до крајот на годината во Хрватска да пристигнат уште неколку илјади работници од различни делови на светот за работа во градежништвото и туризмот.
Според претходните податоци што Фена ги доби од Министерството за внатрешни работи на Република Хрватска, најмногу дозволи за престој и работа се издадени на државјани на Босна и Херцеговина – 18.503, потоа Непал – 15.922, Србија – 14.325, Индија – 8.504, Северна Македонија – 7.236, Филипини – 6.232, Бангладеш – 5.338, а има и работници од Косово, Узбекистан и Египет.
