Две соларни велосипедски патеки со површина од 1.000 метри квадратни се пуштени во употреба во Холандија, откако компаниите Colas Group и градежната компанија BAM Royal Group ги поставија во провинциите Северна Холандија и Северна Брабант, пишува Balkan Green Energy. Иновацијата е наречена Wattway.
Соларните велосипедски патеки беа поставени по петгодишно истражување спроведено од компанијата Колас Груп со Францускиот национален институт за соларна енергија.
Сончевите површини на патот, односно новите типови на соларни панели се дебели само неколку милиметри.
Соларните ќелии се обложени со повеќеслојна подлога составена од смола и полимер.
Тие се доволно проѕирни за да ја пропуштат сончевата светлина и доволно цврсти за да издржат велосипедски сообраќај.
Површините на овие соларни панели не се мазни. Тие се направени за да го обезбедат истиот стисок како и конвенционалните композиции за патишта. На веќе постоечките велосипедски патеки се поставени или заглавени иновативни соларни панели.
Холандија е позната како земја на велосипеди, па не е чудно што има 23 милиони велосипеди за 17 милиони жители на земјата. Вкупната должина на велосипедските патеки се протега на 35.000 километри.
Производството на енергија преку транспортна инфраструктура е еколошки начин на производство на електрична енергија, со помош на фотоволтаичната технологија се нуди и нов начин на производство на електрична енергија.
Иновацијата на Wattway еволуираше значително од нејзиното лансирање во 2015 година, истакнува компанијата.
Провинциите Норд-Холандија и Норд-Брабант поставија цел Wattway да произведе 160 мегават-часови во првата година од работењето.
Wattway, која тврди дека е првата компанија за инсталација на соларни патишта во светот, како што објави Balkangreenenergynews.com, има инсталирано околу 50 пилот инсталации низ светот од своето основање.
