Компанијата KAMM Manufaktur го претстави Porsche 912T, кој е фокусиран на удобност и тежи само 860 килограми.
„Полесен е за неверојатни 100 килограми во споредба со оригиналниот 912“, изјавија од KAMM за овој друг уникатен Porsche.
Автомобилот не се напојува со електрична енергија, туку со 2,0-литарски ладен четирицилиндричен мотор, развиен од инженерите на KAMM со искуство во работата во Porsche Motorsport, Singer и Koenigsegg. Станува збор за тим кој дефинитивно знае што прави.
Овој мотор кој развива 162 КС и 200 Nm вртежи е поврзан со петстепен мануелен менувач и е опремен со индивидуални куќишта на гас, примарни вшмукувачки и издувни колектори по нарачка, надградени глави и клипови, а тука е и диференцијал со ограничено лизгање ZF и хидраулична спојка по нарачка.
Вградени се амортизери TracTive прилагодени за удобност, а седиштата Touring и други специјално изработени детали исто така придонесуваат за удобност.
Опционално, можно е да се добие модерен звучен систем, како и безжичен полнач за мобилни телефони.
Моделот ќе биде достапен како купе и Targa, а KAMM има намера да произведе по пет примероци почнувајќи од следната година. Компанијата бара 245.000 евра за своите услуги, што не го вклучува донаторскиот автомобил.
„Porsche 912 е безвременски класик, а со моделот 912T го претворивме во спортски турер кој обезбедува повисоко ниво на удобност без да го намали чистото задоволство од возењето“, рече раководителот на KAMM, Мики Казмер.
